(+995) 599 30 61 90
giga@tchanturia.ge

რეკომენდაციები

მენეჯმენტის კონსულტანტი და ტრენერი.

სადაზღვევო კომპანია „ირაოში“ გიგას ჰქონდა საკმაოდ საინტერესო და საჭირო პოზიცია - გაყიდვების HR ბიზნეს პარტნიორი. ჩემთვის, როგორც გაყიდვების დივიზიონის უფროსისთვის, გიგასთან მუშაობის პერიოდში ნათელი გახდა, რამდენად შესაძლებელია მოკლე დროში გუნდის წევრების მიდგომების რადიკალური ცვლილება რიგ საკითხებთან დაკავშირებით. მას აქვს უნარი ეფექტურად აწარმოოს კომუნიკაცია, დაადგინოს პრობლემა და შემოგვთავაზოს გადაწყვეტის ალტერნატიული გზები. თანამშრომლებთან აქტიური ჩართულობით იდეების გენერირება და დასახული მიზნების მიღწევა, მისი წარმატების ერთ-ერთი საფუძველია. მოხარული ვარ, რომ მქონდა შესაძლებლობა ნაყოფიერად მეკეთებინა საქმე გიგას კონსულტაციების დახმარებით.
ქეთევან ხარიტონიშვილი
გაყიდვების დივიზიონის უფროსი - ირაო-ვენის სადაზღვევო ჯგუფი.
გიგა ჭანტურიასთან მუშაობა ძალიან სასიამოვნოა და სასარგებლო იდეების გენერირების საშუალებას იძლევა. სიატუაცია ჩემს დეპარტამენტში მნიშვნელოვნად შეიცვალა მას შემდეგ, რაც გიგა ჭანტურია კომპანია „ირაოს“ შემოუერთდა. მისი HR ხედვები და აქტივობები ძალიან შედეგიანი აღმოჩნდა ჩვენთვის. წარმატებებს ვუსურვებ მას ყველა ახალ წამოწყებაში.
ირაკლი თოიძე
საცალო გაყიდვების დეპარტამენტის უფროსი - ირაო-ვენის სადაზღვევო ჯგუფი (2016-2019)
გიგა ჭანტურიამ, საქმიანი ურთიერთობისას, თავი წარმოაჩინა როგორც თავისი საქმის კარგად მცოდნე პროფესიონალმა. გარდა იმისა, რომ ჩვენთან დადებული შეთანხმება სრულად და კარგად შეასრულა, მასთან საქმიანი ურთიერთობა სასიამოვნო და საინტერესო იყო. ხაზგასასმელია მისი სწრაფვა ცოდნის და პროფესიული უნარების გაღრმავებისკენ და ამავდროულად, ყველა საქმის შეძლებისდაგვარად სრულყოფილად შესრულებისკენ. გიგა ჭანტურიას თამამად შემიძლია გავუწიო რეკომენდაცია. დიდი მადლობა მას წარმატებული თანამშრომლობისთვის.
დავით ჭანტურია
CEO - ამბოლი.
გიგა ჭანტურიას ვიცნობ 2017 წლის ნოემბრიდან, როდესაც  გრიგოლ რობაქიძის სახელობის უნივერსიტეტის სტუდენტებისთვის ჩაატარა კარიერული განვითარების მართვის ტრენინგი.  პროექტი მიზნად ისახავდა კარიერული მიზნების განხორციელების და შრომის ბაზარზე კონკურენტული უპირატესობის მოპოვების უნარ-ჩვევების გამომუშავებას. ტრენინგის ფარგლებში სამიზნე ჯგუფმა შეისწავლა თვითშეფასების, კარიერული გეგმის მომზადების, სამსახურის მოძიებისა და დამსაქმებელთან ეფექტიანი კომუნიკაციის დამყარების თანამედროვე მეთოდები. ტრენინგის დასრულებისას, გიგას ჩატარებულ ტრენინგს,  ჯგუფმა, მაღალი შეფასება მისცა. 

პირველი ტრენინგის შედეგების გათვალისწინებით, ადმინისტრაციამ, გიგა ჭანტურიას, დაუკვეთა დროის მართვის ტრენინგის ჩატარება უნივერსიტეტის დამხმარე  პერსონალისთვის, რაც, ასევე, წარმატებით განხორციელდა.

საქმიანი ურთიერთობის პროცესში, გიგა ჭანტურიას მიერ გამოვლენილი თვისებები - მაღალი პასუხისმგებლობა, კეთილსინდისიერება  და მონდომება - სრულ საფუძველს მაძლევს  რეკომენდაცია გავუწიო მსგავსი საქმიანობის გაგრძელებისა და სატრენინგო თემატიკის გაფართოებისათვის.
მამუკა თავხელიძე
რექტორი - გრიგოლ რობაქიძის სახელობის უნივერსიტეტი
გიგა ჭანტურიამ ჩვენი დაკვეთით ჩაატარა ტრენინგ-კურსები შემდეგ თემებზე:

• პერსონალური და კარიერული განვითარება;
 ლიდერობა და გუნდური მუშაობა;
• ეფექტური კომუნიკაციები;

ტრენინგის თითოეული შეხვედრა მიმდინარეობდა სწავლების თანამედროვე მეთოდებით, რაც შესაძლებელს ხდიდა მონაწილეებს არა მხოლოდ გაეაზრებინათ ყოველი თემი შინაარსი, არამედ მიეღოთ ახალი ცოდნაც და უნარებიც. მონაწილეთა კმაყოფილებისა და ჩვენთან აქტიური კომუნიკაციის გათვალისწინებით, მიგვაჩნია, რომ სამუშაო მაღალი ხარისხით შესრულდა. 

სწორედ ამიტომ, გიგა ჭანტურიას სიამოვნებით ვუწევთ რეკომენდაციას. მისი კვალიფიკაციის დონე საშუალებას იძლევა მაქსიმალურად შესრულდეს დამკვეთის მოთხოვნები. კონსულტაციისა და ტრენინგის ცენტრი მადლობას უხდის მას წარმატებული თანამშრომლობისთვის.
ირინა ხანთაძე
აღმასრულებელი დირექტორი - კონსულტაციისა და ტრენინგის ცენტრი - CTC
გიგა ჭანტურიას ვიცნობ საგანმანათლებლო სისტემიდან: მან ჩემს უმაღლეს საგანმანათლებლო დაწესებულებაში განახორციელა სხვადასხვა მოსამზადებელი კურსები და საკმაოდ შედეგიანად. ეს გამოიხატებოდა იმაში, რომ მისი და მისი გუნდის წევრების ტრეინინგებზე მოთხოვნა ნამდვილად იყო და დიდი გამოხმაურებაც ჰქონდა. მე გიგაში მომწონს მისი კომუნიკაბელურობა, პასუხისმგებლობის გრძნობა, კრეატიულობა და მენეჯერული თვისებები. მას შეუძლია ბევრ წამყვან პოზიციაზე მუშაობა, რადგანაც იგი გამოირჩევა კოლექტიური მუშაობითა და კრიტიკული აზროვნებითაც, რაც მას ხელს უწყობს ჯანსაღი გადაწყვეტილებების მიღებაში.
ირაკლი მორგოშია
რექტორი - თბილისის საერთაშორისო აკადემია (2014-2018)
გიგა ჭანტურიასთან მუშაობის საშუალება T&P Legal Consulting-ში მქონდა. მას შესანიშნავი HR უნარები და ლიდერობის მონაცემები აქვს. მე სიამოვნებით ვუწევ მას რეკომენდაციას. იგი სარგებლობს იმ ადამიანის რეპუტაციით, რომელიც ავლენს ძლიერ ლიდერობას, ხედვას, ენერგიას და ინტეგრაციას იმ როლისთვის, რომელსაც ორგანიზაციაში შეასრულებს. ის არის ადამიანი, რომელიც ყველაფერს აწესრიგებს. მე ვიცი, რომ იგი ნებისმიერი საქმის კეთებას ყოველთვის მთელი ხალისხმევით შეეცდება.
ანა პაპკიაური
იურიდიული დეპარტამენტის უფროსი - დელტა კაპიტალი
გიგა ჭანტურიასთან მაქვს სამსახურეობრივი ურთიერთობის გამოცდილება. იგი არის შრომისმოყვარე, მიზანდასახული და პრინციპული. გამოირჩევა ორგანიზაციული უნარებით და პასუხისმგებლობის მაღალი გრძნობით. მისი მიზანმიმართულობა სხვებისთვის კარგი მაგალითია და ხშირად მოტივატორიც. გიგასთან თანამშრომლობა წარმატებული იქნება ნებისმიერი კერძო თუ იურიდიული პირისთვის, რადგან იგი ყოველთვის ცდილობს საკუთარი რესურსების მაქსიმუმი ჩადოს საქმეში; ზრუნავს არა მხოლოდ საქმის, არამედ პირად განვითარებასა და წინსვლაზეც. გარდა კარგი თანამშრომლისა, იგი არის კარგი მეგობარიც, თუმცა ეს ორი არასოდეს ერევა ერთმანეთში.
თამარ იმნაშვილი
ფსიქოლოგის დამხმარე სპეციალისტი - მანდატურის სამსახურის ფსიქოლოგიური მომსახურების ცენტრი
ჩემი გამოცდილებიდან გამომდინარე, გიგა ჭანტურია არის საკუთარი საქმის ნამდვილი პროფესიონალი, რაც მისი მხრიდან თანამშრომლებთან დამოკიდებულებასა და ურთიერთობაშიც კი ვლინდება. გიგა არის ლიდერი და გუნდური მოთამაშე, ცოდნის დიდი მარაგითა და სურვილით, გაუზიაროს ის იმ ადამიანებს, ვისთან მუშაობს. გიგა ძალიან გახსნილი ადამიანია, მისი მუშაობის სტილი ხელს უწყობს მისი გუნდის წევრების მოტივაციის ამაღლებას. მას გააჩნია განსაკუთრებული ორგანიზაციული უნარები და მასთან მუშაობა ძალიან კომფორტულია. ასევე, მინდა ხაზი გავუსვა იმას, რომ საკმაოდ მარტივია გიგასთან კომუნიკაცია მუშაობის პროცესში, იგი არასდროს იტყვის უარს საკუთარი გუნდის წევრების დახმარებაზე.
ანა ბაქრაძე
იურისტი - ტოიოტა ცენტრი თეგეტა
გიგასთან საშუალება მქონდა მემუშავა „პროფესიული განვითარების აკადემიაში“ ტრენერის პოზიციაზე. გიგა ერთ-ერთი იმ მენეჯერთაგანია, რომელიც მთელი გუნდისთვის მზადაა იყოს მზრუნველი მენტორი. იგი გამოირჩევა ძლიერი ინტერპერსონალური უნარებითა და აქტიური მოსმენის უნიკალური შესაძლებლობებით. ის არ არის „მოსამართლე“ ლიდერი. ეს თვისებები კი მნიშვნელოვანად აისახება გუნდის მოტივაციაზე წარმატებით იმუშაონ საკუთარ პროექტებზე.
ანნა კარდანახიშვილი
დამოუკიდებელი ქოუჩი
გიგა ჭანტურია ჯერ კიდევ 2013 წელს გავიცანი და შემდეგი რამდენიმე წლის განმავლობაში მისი გუნდის წევრი გახლდით. მასთან თანამშრომლობა იყო განვითარებისა და საჭირო უნარების გამომუშავების მომტანი. ის ამ ყველაფერს ახერხებს თავისი შრომისმოყვარეობით, უდიდესი პასუხისმგებლობის გრძნობით, საკუთარი საქმის სიყვარულით, უზომო ენერგიითა და თანამშრომლებთან კომუნიკაციის საოცარი უნარით. ის მუდამ ახალ იდეებზე მომუშავე, შესანიშნავი მენეჯერი, თავისი საქმის ინოვატორი და საოცრად მიზანდასახული პიროვნებაა. დარწმუნებული ვარ, რომ ის ნებისმიერ ორგანიზაციაში შეძლებს სასარგებლო იდეების გენერირებას, თავისი საქმის მაქსიმალური შედეგით შესრულებასა და გუნდის წევრების მოტივაციისა და ენთუზიაზმის გაზრდას. სწორედ ამიტომ, სიამოვნებით ვუწევ რეკომენდაციას მას.
მარიამ კუტუბიძე
იურისტი - ქირურგიის ეროვნული ცენტრი.
საუბრის დაწყება
რით შემიძლია დაგეხმაროთ?
Powered by